Headline!

Mar 10, 2010

Paolo Avelino replaces JC de Vera in Panday Kids

Share



Si Paolo Avelino ang masuwerteng napili ng GMA Entertainment TV na ipalit kay JC de Vera bilang male lead star sa top rated fantaserye ng Kapuso Network na Panday Kids.

Ayon kay Paolo, nagulat siya at hanggang ngayon ay hindi pa rin makapaniwala sa malaking break na dumating sa kanyang career.

“Nagulat po ako pero ‘di pa rin po masyadong naniwala kasi marami pong ganun, kumbaga pinagpipilian for this (project) tapos biglang ‘di matutuloy," pahayag ng binata sa 
Chika Minute ng GMA news 24 Oras nitong Martes.

Ayon kay entertainment reporter Lhar Santiago, dahil sa malaking papel na gagampanan ni Paolo sa 
Panday Kids ay kailangan niyang mag-concentrate rito at iwanan ang isa pa niyang proyekto na Ina Kasusuklaman Ba Kita.



Aminado ang young actor na hindi madali para sa kanya ang pumalit kay JC de Vera na nagpaalam na sa naturang fantaserye.

“Parang nakakatakot din po kasing sumabak sa ganung kalaking role kaagad, na biglaan," pagtatapat ni Paolo.

Ayon pa sa aktor, maging ang kanyang mga kaibigan ay masaya para sa kanya dahil sa malaking development sa kanyang showbiz career. Panay din umano ang pagbibigay ng word of encouragement kay Paolo ng napapabalitang nobya ng binata na si LJ Reyes.

Gayunman, tumanggi si Paolo na sagutin ang tanong kung sila na ba talaga ni LJ. Sa halip, nakiusap ang binata na ipaubaya na muna sa kanila “sa ngayon" kung ano man ang namamagitan sa kanilang dalawa ng aktres. -
 FRJ, GMANews.TV



http://www.gmanews.tv/story/185748/paolo-avelino-replaces-jc-de-vera-in-panday-kids
-------
anu kaya nagyari?... what happened to jc de vera? 

0 comments:

Post a Comment

Related Posts with Thumbnails